एजेन्सी। उत्तर कोरियाले दुर्ई वर्षपछि दक्षिण कोरियासँगको हटलाइन टेलिफोन पुनः सुरु गरेको छ ।दक्षिण कोरियाले उत्तर कोरियाबाट बुधबार फोन आएको बताउँदै यसको पुष्टि गरेको हो ।
हटलाइन पुनः सुरु गरिनुलाई महत्वपूर्ण भन्दै दक्षिण कोरियाले यसले संवादको राम्रो वातावरण सिर्जना गरेको जनाएको छ । उत्तर कोरियाका अधिकारीले भने टेलिभिजनमा यसको घोषणा गरेको थिए ।
उत्तर कोरियाका नेता किम जोङ उनले नयाँवर्षको सन्देशमा दक्षिणसँग वार्ताका लाागि खुला रहेको र अर्को महिना त्यहाँ हुने शीतकालीन ओलम्पिकका लागि टोली पठाउने बताएका थिए ।
शत्रुतापूर्ण सम्बन्ध रहेका दुई कोरियाबीच सन् २०१५ को डिसेम्बरयता उच्चस्तरीय वार्ता हुन सकेको छैन ।
