वीनेपाली
२०७८ असार १३ गते
लण्डन । नेपाल आदिवासी जनजाति पत्रकार महासंघ (फोनिज) युकेको महासचिवमा भिमल राई चयन भएका छन् ।
समितिको शनिबार बसेको बैठकले राईलाई महासचिवमा मनोनयन गरेको हो । यसअघि उनी सचिव थिए । उनी अघि महासचिव रहेका कर्मा पहाडी शेर्पाले नेपाल आदिवासी जनजाति महासंघ बेलायतको निर्वाचनमा लड्नका लागि महासचिव पदबाट राजिनामा दिएपछि सो पद रिक्त रहेको थियो ।
बैठकले सचिव पदमा लीला सेलिङ माबोलाई नियुक्त गरेको छ भने रोमियन वनेम लिम्बुलाई सदस्य पदमा नियुक्त गरेको छ ।
समितिकी अध्यक्ष प्रमिला राईको अध्यक्षतामा भर्चुअलरुपमा बसेको बैठकमा कार्यसमितिका पदाधिकारीहरु, सदस्यहरुका साथै सल्लाहकारहरुको उपस्थिति रहेको थियो ।
