काठमाडौं । स्पेनिस कोपा डेल रे फुटबलअन्तर्गत गएराति भएको खेलमा बार्सिलोनालाई सेल्टा भिगोले बराबरीमा रोकेको छ ।
प्रिक्वाटरफाईनल पहिलो लेगको खेलमा बार्सिलोना १–१ गोलको बराबरीमा रोकिएको हो । दुबै टिमले पहिलो हाफमा १–१ गोल गरे पनि दोस्रो हाफमा गोल थप्न सकेनन् ।
१५ औँ मिनेटमा जोसे अनाईजले गोल गर्दै बार्सालाई अग्रता दिएका थिए । तर ३१ औं मिनेटमा सेल्टा भिगोका पियोनी सिस्टोले एक गोल गरेपछि खेल बराबरीमा पुगेको हो ।
यो खेलमा बार्सिलोनाका चर्चित खेलाडी लियोनल मेस्सी तथा लुइस स्वारेज खेलेका थिएनन् । स्पेनिस कोपा डेल रे अनुसार गएराति भएका अरु खेलमा लेगानेजले भिल्लारियललाई १–० ले तथा लेभान्टेले इस्पानियोललाई २–१ ले हराएका छन् ।
