लिभु संवाददाता
ललितपुर– शुभलाभ बहुउद्देश्यीय सहकारी संस्था लिमिटेडको आफ्नै भवन समुदघाट्न भएको छ । भूमि व्यवस्था, सहकारी तथा गरिवी निवारण मन्त्री पद्माकुमारी अर्यालले ललितपुर महानगरपालिका वडा नंं.१५ सातोदोबाटोस्थित शुभलाभ बहुउद्देश्यीय सहकारी संस्थाको नवनिर्मित भवन शुक्रबार एक समारोहबीच उद्घाटन गर्नुभएको हो ।
संघीय प्रदेश नं.३ ललितपुर जिल्लाको उत्कृष्ट सहकारीमध्ये शुभलाभ सहकारी पनि पर्दछ । मन्त्री अर्यालले सहकारी नियमावली चा“डै जारी हुने बताउनु भएको छ । उहाँले नियमावलीको अभावमा यसअघि जारी ऐन कार्यान्वयनमा समस्या आएको चौतर्फी गुनासो आएको भन्दै सरकारले चा“डै निकास दिनेसमेत जानकारी दिनुभयो ।
‘संवैधानिक रुपमै समृद्धिको आधारमध्ये एक सहकारी हो,’ मन्त्री अर्यालले भन्नुभयो, ‘सार्वजनिक, निजी र सहकारी क्षेत्रको सहभागितामार्फत् राष्ट्रिय अर्थतन्त्रलाई उन्नतशील बनाउने नीति रहेको छ । त्यसैले चा“डै सहकारी नियमावली जारी हुनेछ ।’
शुभलाभ संस्थाका कार्यकारी अध्यक्ष तिखबीर राईका अनुसार १५ आना ३ पैसा क्षेत्रफलमा पा“चतले भवन ६ करोड रुपैया“ लागतमा निर्माण सम्पन्न भएको हो । उक्त संस्थाले दस वर्षअघि १९ लाख ७० हजार रुपैया“ सेयर पू“जीबाट कारोबार थालेको थियो । हाल ७ करोड सेयर पू“जीसहित ९० करोड रुपैया“को कारोबार गर्न सफल भएको अध्यक्ष राईले जानकारी दिनुभयो ।
भवन उद्घाटन अवसरमा सहकारी अभियानता दिपकप्रकाश बा“स्कोटा, सहकारी विकास बोर्डका सहअध्यक्ष दक्ष पौडेल, नेफस्कुनका महासचिव चन्द्र ढकाल, राष्ट्रिय सहकारी बैंका प्रबन्ध संचालक केब उप्रेतीलगायतको उपस्थिति रहेको थियो ।
शुभलाभ सहकारीबारे संक्षिप्त जानकारी
संघीय नेपाल प्रदेश नं.३ ललितपुर जिल्लामा रहेका अब्बल सहकारी संस्थामध्ये शुभलाभ बहुउद्देश्यीय सहकारी संस्था लिमिटेड एक हो । यो संस्था सहकारी ऐन २०४८ अन्तर्गत डिभिजन सहकारी कार्यालय ललितपुरमा भगवती शुभलाभ बहुद्देश्यीय सहकारी संस्था लिमिटेडको नाउँबाट २०५६ साल असोज २८ गते दर्ता प्राप्त छ ।.दर्तापश्चात् केही समय संचालनमा आएपनि व्यवस्थापक सक्षम हुन नसक्दा निस्क्रिय बन्यो । तत्पश्चात् २६ जनाको समूहले सहकारीको मूल्य र सिद्धान्त आत्मसात गर्दै २०६३ साल असार १ गतेबाट अघि बढाउने निधो गरियो । संस्थामा आवद्ध सदस्यहरूको आर्थिक, सामाजिक र सांस्कतिक विकास गर्ने मूलभूत उद्देश्य राखेर नयाँ व्यवस्थापन तर्जुमा गरियो । नयाँ व्यवस्थापनले शेयर पूँजी रु.१९,७०,०००÷– (अक्षरेपी उन्नाइस लाख सत्तरी हजारमात्र) संकलन गरी ललितपुरको लगनखेलस्थित स्काउट भवनमा कार्यालय स्थापना गरी कारोबार प्रारम्भ गरेको हो । २०६३ साल पुसमा सम्पन्न संस्थाको नवौं साधारण सभाले संस्थाको नाम संशोधन गर्ने निर्णय ग¥यो । जसअनुसार भगवती शुभलाभ बहुद्देश्यीय सहकारी संस्था लिमिटेडलाई शुभलाभ बहुउद्देश्यीय सहकारी संस्था लिमिटेडमा परिवर्तन गरिएको हो ।
संस्था संचालनको दौरानमा विभिन्न प्रतिकुल परिस्थितिका वावजुद सदस्यहरूको निरन्तर विश्वास, सञ्चालक समिति, लेखा समिति तथा विभिन्न उप–समितिहरूको अथक प्रयास, दृढ संकल्प तथा कर्मचारीहरूको इमान्दारिता र मेहनतले शुभलाभ सहकारी समुदायमा लोकप्रिय बन्न पुगेको हो । त्यही कार्यको प्रतिफल स्वरूप यस संस्थाले ललितपुर महानगरपालिका वडा नंं.१५ सातदोबाटो चोकमा ०–१५–३ (पन्ध्र आना तीन पैसा) क्षेत्रफल जग्गा खरिद गर्न सफल भयो । संस्थाको स्वामित्वमा रहेको सो जग्गामा पाँच तले आधुनिक भवन निर्माण सम्पन्न गरी आफ्नै भवनबाट सेवा प्रारम्भ गर्न सफल भएको छ ।
दृष्टि
सम्पूर्ण सदस्यहरूको लागि स्थायी तथा सामाजिक, आर्थिक विकासको एकमात्र वित्तीय विकल्प शुभलाभ ।
मिसन
सदस्यहरूको सामाजिक, आर्थिक आवश्यकताहरूको समर्थन, उत्थान गर्न प्रतिस्पर्धात्मक वित्तीय तथा सान्दर्भिक र उचित जीविकोपार्जनमा सेवा प्रदान गर्न शुभलाभ ।
उद्देश्यहरू
संस्थामा संलग्न सदस्यहरूको नियमित बचत गर्ने बानीको विकास गर्र्नेे ।
आम्दानीको आधारमा बचत र खर्च गर्ने बानीको विकास गर्ने ।
समुदायको विकास र आर्थिक समृद्धिको लागी अविच्छिन्न लागी रहने ।
नियमित रूपमा प्राप्त निक्षेपमा प्रतिस्पर्धात्मक ब्याजदरमा ब्याज प्रदान गर्ने ।
विभिन्न सिपमूलक, आयमूलक र उत्पादनमूलक उद्देश्यका लागि सदस्यहरूलाई सरल कर्जा र व्यवसायिक परामर्श प्रदान गर्ने ।