गीत : हिलेपानी गाउँ
–अनिलहाङ राई
ओखलढुंगा जिल्लाको सुन्दर हिलेपानी गाउँ
हरियाली सुन्दरताले भरिएको ठाउँ
ए नि लै लै हाम्रो हिलेपानी गाउँ
घुम्न आउनु माइली हाँसीखुसी बिताउँ जिन्दगानी
दायाँ बग्यो सुनकोशी सलल बायाँ दुधकोशी
तिम्रै माया लाग्न माइली तिमीलाई सम्झेर मन हुन्छ खुसी
ए नि लै लै हाम्रो हिलेपानी गाउँ
घुम्न आउनु माइली हाँसीखुसी बिताउँ जिन्दगानी
हिलेपानीको सेरोफेरो प्रकृतिको खानी
म बनुँला राजा तिम्रो, तिमी बन रानी
ए नि लै लै हाम्रो हिलेपानी गाउँ
घुम्न आउनु माइली हाँसीखुसी बिताउँ जिन्दगानी
हिलेपानीको बिचैमा माइली डबकी भन्ज्याङ चौतारी
सिद्धधाम घुम्न जाउँला मायापिरतीको खेलौं लुकामारी
ए नि लै लै हाम्रो हिलेपानी गाउँ
घुम्न आउनु माइली हाँसीखुसी बिताउँ जिन्दगानी
उभौलीमा साकेला संगिता सँगै नाचौला
ढ्वाङ्कुम मेला भर्न जाऊँ माली स्वालेवापार्क नि घुमौला
ए नि लै लै हाम्रो हिलेपानी गाउँ
घुम्न आउनु माइली हाँसीखुसी बिताउँ जिन्दगानी
मानेभन्ज्याङ हटिया बजार भर्न जाउँला
केतुकेको डुण्ड बजारमा जाली रुमाल चिनो दिउँला
ए नि लै लै हाम्रो हिलेपानी गाउँ
घुम्न आउनु माइली हाँसीखुसी बिताउँ जिन्दगानी ।
मानेभन्ज्याङ गाउँपालिका–६, हिलेपानी, ओखलढुंगा
