इसे लाम खास्चै ह्वाच
कानुङ् पुर्खै न आले।
जुक्रेकघारी फाँडीनाखीङ्
खोर्या खास्च कानुङ् पुर्खै न आले ।
कराङ्च-कराङ्च ल्हूङ भास्चै
जग खाटाक्चै, गाह्रा खास्च
गाह्राङ् डी आल्के कुल्हो खास्च
कानुङ् पुर्खै न आले ।
वनाङ् सीङ् हटै घाँस चेके आन्के लाम खासा।
हेँट्,ठोर हटै र्हा (ह्रा) स्यास्के आन्के लाम खासा।
लाम ह्वानाङ म्हूङ्नाङ, मूके ठाम खासा।
खोला, खोल्सी,डी लेठाङ डी गाके ढारा-पंढेरा खासा ।
ढलीङ डाँडाकाँडा, खोल्साखोल्सीके
म्यारमीन् डाच कानुङ् पुर्खै न आले
ढलीङ् खालेस् खालेस् हुदाँ न
पट्ट डेनाङ् अघेर मुच, ह्वाच ठगन खासा
खेतीपाती जाट्के गह्रा खासा ।
डीयौ मुलाङ् ठान खासा।
करङ्च ल्हूङाङ् ठान खासा।
करङ्च बुटाङ् ठान खासा।
पहाड कप्टेराङ् ठान खासा।
र कानै इसे प्रकृतिके पुज्डीस्के ठाला ।
कानुङ् पुर्खै खास्च गह्रै गह्रा
गह्रैगह्रौ सुर छान्नाखिङ् “गह्रौसुर” छान्हा
चाहाट् इसके “गह्रौंसुर“ डेले ।
छाङ्छाङ् झाल्च डी लेठाङ्
“छाङछाङडी“ म्यारमीन् डा।
चाहात इसके “छाँयाक्षेत्र” खासोने।
अठार मगराँती राहाच री (पानी) हटै
बाह्र मगराँतीङ् राहाच डी (पानी) काठाङ् छान्हा
होलाङ् “रीडी” म्यारमीन छान्हा
चाहात इसके “रुरु” खासोने ।
इन्चन्ह जाट्नाखीङ्
कानुङ् पुर्खै खास्च लाम
कानुङ् पुर्खै याहाच म्यारमीन्
कानुङ् ढुट् हटै रोष्
पट्ट म्हासा र म्हासोन ले ।
फाप साहाक,१६ (चैत्र) , २०७४ ।
(मार्च ३०, २०१७)
