चुमिरहन्छन्
-सोनाम सज्जन किराती
इन्स्युरेन्स विना
गुडिरहेको जीवन
खास बाटोहरूमा
भर नहुँदो रहेछ
जहाँ अनुमानित
अपमानहरूले खिल्ली उडाइदो रहेछ
यसर्थ ,एक्लो बन्न बाध्य
भइँदो रहेछ
बाटो पक्की कच्ची दुवै छ
विपनाको इजाजत
नपाएको जिन्दगीले
कच्चीमै धेरै गुड्नु पर्छ
जहाँ सहजताको
अनुमान फेल हुन्छ
अनि खाउलोहरू
कदापि पार गर्न सकिदैन
न त्यो खाल्डो पुर्न सिकाउँछ
यो संसारका ठगहररू
यसरी सजिलो बाटोहरूमा
हिंडेर रमिरहेको हुन्छ
असहजतामा हिडेकालाई सताएर
सहजता चुमिरहेको हुन्छ
यस्तै छ बाटो
हिंडिरहनेहरूको हालत।
हलेसी तुवाचुङ नगरपालिका–२ दाम्ली, खोटाङ
हाल– काठमाडौंं ।
