योट्मी ङाके
ङै खयाक बाज्युओ पालुङ
बाढ्या( पुरानो ) होसै सिंओ मढुसो
छुम्छुम्टै लेच काट कोनाङ
ठन्कडिम डाच, हटै
ढुसी बाहाच होसै
रिक्माइ इन्न्हाङ टम्मसै
योट्मी ङाके !!
काम्हुन्न छान्लेसा
सेन पेलिसो मानाम कठा
सेन इसै गुइयाओ
छ्याप,रोस रेवस कठा
सेन आर्चिम- पार्चिम,
लाफा-मिफा कठा
गेस्नाङ – गेस्नाङ
होस्को ढन्च ल्हेस्नाङ
म्ह्याक्लेसा ङै
होटबाटी टम्मसै
मगर ढुटोरिकइ हटै रिक्माइ
योट्मी ङाके !!!
डाँहामी ङै फर्ल्याङ
इनाङ इन्न्हाङ
लिस होटज
गुइया ,लोफुङ्या
हटै ढलिङ ढलिङ
गरापाङ गझ्याम मुचको,
ङाक्के माह्योक्चको
निजु राप्चैले ,,
होस्को पट्टकोइ
योट्मी ङाके !!!
आबो चो ङा
हुट छ्याक्म
मच्याक मच्याक
डाङ्नाङ र मडाङ्च
लेखा जाट्म मुके ,
मिक मराह्नाङ र
मिस्च लेखा जाट्म मुके,
गिन बिक्नाङ र
मबिक्च लेखा जाट्म मुके
ङा छट्टै मह्योक्ले,
हिके डेहाङ ङा
ढुटोरिक्या
ल्हेस्ले रिक्मा घोम
ङौ रिक्मै बोपरा
योट्मी ङाके !!!
जिलौ
लिब्जुभुम्जु डटकमका लागि मगर भाषा संयोजन लेखक, पत्रकार: डोलु आलेमगर
